မေမေ့အချစ်သစ်နဲ့ သားဆိုးလေး

အိမ်ထောင်ကွဲ စာရေးဆရာမ လင်း (Writer Lin) သည် သူမထက် ငယ်ရွယ်ပြီး ဆင်းရဲသော်လည်း သစ္စာရှိသည့် အမျိုးသားတစ်ဦးနှင့် အိမ်ထောင်သစ် ပြန်လည်ထူထောင်ရန် ပြင်ဆင်နေချိန်တွင် သားဖြစ်သူ ယန်ယန် (Yanyan) ၏ လက်ခံမပေးနိုင်မှုကို စတင်ရင်ဆိုင်ခဲ့ရပါတယ်။ ယန်ယန်သည် ပထွေးဖြစ်သူ ယဲ့ ကို မေမေ့၏ ပိုက်ဆံများကို လိမ်ညာယူရန် ကြိုးစားနေသည့် လူလိမ်အဖြစ် အထင်လွဲကာ အရုပ်များဖြင့် ပစ်ပေါက် ဒဏ်ရာရစေသည်အထိ သဝန်တိုပြီး ရန်လိုခဲ့ပါတယ်။
ထို့နောက် ယန်ယန်သည် အိမ်မှ ထွက်ပြေးသွားခဲ့ပြီး အဖေအရင်းနှင့် အဖွားဖြစ်သူတို့ရှိရာ အိမ်သို့ ရောက်ရှိသွားခဲ့ပါတယ်။ ခင်ပွန်းဟောင်းနှင့် မိခင်ဖြစ်သူတို့သည် ကလေးအား နှစ်သိမ့်ပေးရမည့်အစား စာရေးဆရာမ လင်း၏ အချစ်သစ်ကို မနာလိုဖြစ်ကာ ယန်ယန်အား ပထွေးဖြစ်သူ၏ နှိပ်စက်မှုကို ခံရတော့မည်ဟု စိတ်ဓာတ်ရေးရာ မှားယွင်းစွာ ရိုက်သွင်းပေးခဲ့ကြပါတယ်။ ကလေး ပျောက်ဆုံးသွား၍ စိုးရိမ်တကြီး လိုက်လံရှာဖွေနေသည့် စာရေးဆရာမ လင်း တစ်ယောက် ယန်ယန်ကို ပြန်လည်တွေ့ရှိပြီး ယန်ယန် ၏ စိတ္တဇများကို ရှင်းလင်းပေးနိုင်မလားဆိုသည်ကိုစိတ်ဝင်စားဖွယ် ကြည့်ရှုရမည်ဖြစ်ပါတယ်…….