အလှည့်စားခံ ချစ်ခြင်းနှင့် ပိတ်မိနေသော ရက်စွဲများ

ရှင်ရွှယ် (Shen Xue) တွင် တခြားသူများ၏ ဖုံးကွယ်ထားသော အလုပ်အကိုင်နှင့် မည်သူမည်ဝါဖြစ်ကြောင်းကို သေချာပေါက် မြင်တွေ့နိုင်သည့် မွေးရာပါ ထူးခြားသော မျက်လုံးတစ်စုံ ရှိပါတယ်။ သို့သော် ထိုစွမ်းအားကြောင့် သူမ၏ မိသားစုနှင့် အရာအားလုံးကို ဆုံးရှုံးခဲ့ရသဖြင့် ထိုမျက်လုံးကို စွမ်းအားတစ်ခုထက် ကျိန်စာတစ်ခုအဖြစ်သာ သတ်မှတ်ထားခဲ့ပါတယ်။
ရက်ပေါင်းများစွာ ကြာပြီးနောက် ရှင်ရွှယ်သည် မိဘမဲ့ဂေဟာတွင် အတူတူ ကြီးပြင်းလာခဲ့ပြီး လက်ရှိတွင် နာမည်ကြီး စိတ်ရောဂါကု ဆရာဝန်တစ်ဦး ဖြစ်နေသည့် စေ့စပ်ထားသူ လုရှန် (Lu Shan) နှင့်အတူ မင်္ဂလာမဆောင်မီ အတူနေထိုင်ရန် သူ၏ သီးသန့်ဗီလာအိမ်တော်သို့ ရောက်ရှိလာခဲ့ပါတယ်။

သို့သော် အိမ်သို့ ရောက်ရှိသွားချိန်တွင် သူမ၏ ထူးခြားသော မျက်လုံးမှတစ်ဆင့် နူးညံ့ပျူငှာလှသော စေ့စပ်ထားသူ လုရှန်၏ ဖုံးကွယ်ထားသော မူလအမှန်တရားမှာ “လူသတ်သမား” တစ်ဦး ဖြစ်နေကြောင်း ထိတ်လန့်ဖွယ် မြင်တွေ့လိုက်ရပါတယ်။

လုရှန်သည် မိုးသည်းထန်စွာ ရွာသွန်းနေသည့် ညတွင် ဗီလာ၏ တံခါးများနှင့် ပြတင်းပေါက်များကို အပြင်မှ သေချာပိတ်ဆို့လိုက်ပြီး ရှင်ရွှယ်၏ ဖုန်းကိုလည်း သိမ်းဆည်းလိုက်ပါတယ်။ လွတ်မြောက်ရန် လမ်းစမရှိတော့သည့် သီးခြားဗီလာကြီးအတွင်း ရှင်ရွှယ်သည် သူမ၏ စွမ်းအားနှင့် ပတ်ဝန်းကျင်မှ အမှတ်အသားများကို အသုံးပြု၍ လုရှန်၏ လူသတ်သမားဆိုသည့် သက်သေအထောက်အထားများကို ရှာဖွေရင်း ကယ်ထုတ်နိုင်ရန် ကြိုးစားသွားမည့်အကြောင်း ရင်သပ်ရှုမောဖွယ် ကြည့်ရှုရမည်ဖြစ်ပါတယ်။