ကံကြမ္မာကို မြင်နိုင်သော မျက်မမြင်သခင်မ

ဇာတ်လမ်းအညွှန်း
ကျန်းကျောက်ထုန် (Jiang Zhaotong) သည် မျက်စိမမြင်သူတစ်ဦးအဖြစ် လူသိများသော်လည်း အမှန်တကယ်တွင်မူ မျက်လုံးဖွင့်လိုက်သည်နှင့် တခြားသူများ၏ ကံကြမ္မာကို မြင်နိုင်သည့် ထူးခြားသော စွမ်းအားရှင်တစ်ဦးဖြစ်ပါတယ်။ သို့သော် ထိုစွမ်းအားကြောင့် အသက်အန္တရာယ် မကြုံတွေ့ရစေရန် သူမ၏ မိခင်ဖြစ်သူမှ အသက်ထက်ဆုံး မျက်လုံးမဖွင့်ရန် မှာကြားခဲ့သဖြင့် မျက်မမြင်အဖြစ် ဟန်ဆောင်နေထိုင်ခဲ့ရပါတယ်။ မိခင်ဖြစ်သူ ကွယ်လွန်ပြီးနောက် ဖခင်ဖြစ်သူ၏ စွန့်ပစ်ခြင်းကို ခံခဲ့ရရုံမျှမက၊ နေမကောင်းဖြစ်နေသည့် ဖေ (Fei) မိသားစု၏ ဒုတိယသခင်လေး မင်္ဂလာဦးနိမိတ်ယူရန်အတွက် ရောင်းစားခြင်းကို ခံခဲ့ရပါတယ်။

ကျန်းကျောက်ထုန်သည် ဖေမိသားစုသို့ ရောက်ရှိသွားချိန်တွင် ကြက်ဖနှင့် မင်္ဂလာဆောင်ခဲ့ရသော်လည်း အမှန်တကယ် ကြင်နာတတ်သည့် ဒုတိယသခင်လေး ဖေဟန်ကျစ် (Fei Hanzhi) နှင့် ဆုံတွေ့ခဲ့ရပါတယ်။ ဖေဟန်ကျစ်သည် သူမအား လွတ်လပ်ခွင့်ပေးရန် ကြိုးစားခဲ့သော်လည်း ကျန်းအိမ်သို့ ပြန်ပါက ထပ်မံရောင်းစားခံရမည်စိုးသဖြင့် ဖေအိမ်တော်၌ပင် ဆက်လက်နေထိုင်ခဲ့ပါတယ်။ ထို့နောက် ဒုတိယသခင်လေး၏ ဆေးထဲတွင် အဆိပ်ခတ်ခံထားရကြောင်းကို ကျောက်ထုန်က သူမ၏ စွမ်းအားကို အသုံးပြု၍ သတိပေးစုံစမ်းပေးခဲ့ပြီး၊ အေးစက်လှသော အိမ်တော်ကြီးအတွင်း သူမအား အကာအကွယ်ပေးမည့် ခင်ပွန်းဖြစ်သူနှင့်အတူ ရန်သူများ၏ ပူးပေါင်းကြံစည်မှုများကို ရင်ဆိုင်သွားမည့်အကြောင်း စိတ်လှုပ်ရှားဖွယ် ကြည့်ရှုရမည်ဖြစ်ပါတယ်။