မယားကြီးရဲ့ အဆိပ်ပြင်းသော ပရိယာယ်

ကျောက်ကော သည် ဖေ မိသားစု စီးပွားရေး အောင်မြင်လာစေရန် ၁၈ နှစ်အရွယ်တည်းက ခင်ပွန်းဖြစ်သူ ဖေးကျိယဲ့ နှင့်အတူ ဒုက္ခခံ ကြိုးပမ်းပေးခဲ့သူ ဖြစ်သည်။ သို့သော် ဖေးကျိယဲ့မှာ စီးပွားတက်လာချိန်တွင် ဖောက်ပြန်မှုများ ဆက်တိုက်ပြုလုပ်ခဲ့ပြီး ကျောက်ကော ကိုယ်တိုင် ထောက်ပံ့ပေးခဲ့သည့် ကျောင်းသူလေး ဆုန့်လင်အာ နှင့်ပါ ငြိစွန်းကာ ကျောက်ကော၏ ရာထူးနှင့် အာဏာများကိုပါ ထိုကျောင်းသူထံ လွှဲပေးရန် ကြိုးစားလာခဲ့သည်။

ထိုသစ္စာဖောက်မှုအတွက် ကျောက်ကောက ဖေးကျိယဲ့ အူအတက်ခွဲစိတ်ချိန်၌ လျှို့ဝှက်စွာ သားကြောဖြတ်ပစ်ခဲ့သဖြင့် မယားငယ်များ ကလေးရယူ၍ အမွေလုမည့်အရေးကို ကြိုတင်ကာကွယ်ပြီး မိမိ၏ သားဖြစ်သူကိုသာ တစ်ဦးတည်းသော အမွေဆက်ခံသူ ဖြစ်စေခဲ့သည်။ နောက်ပိုင်းတွင် ဖေးကျိယဲ့က မယားငယ်ကို ရာထူးပေးရန် ကြိုးစားသော်လည်း ဖေ မိသားစုမှ လူကြီးများက အနွံတာခံခဲ့သော ကျောက်ကောဘက်မှသာ အပြည့်အဝ ရပ်တည်ပေးခဲ့ကြသည်။ တစ်ချိန်က မိမိအား မိုးရွာထဲ ထီးမိုးပေးခဲ့ဖူးသော ခင်ပွန်းဖြစ်သူ၏ ရက်စက်စွာ ပြောင်းလဲသွားမှုကို ရင်ဆိုင်ရင်း ကျောက်ကောက ဖေးကျိယဲ့နှင့် မယားငယ်များအား မည်သို့ အပြတ်ရှင်းပြသွားမည်ကို ကြည့်ရှုရမည် ဖြစ်ပါသည်။